بەهۆی کۆرۆناوە 840 رۆژنامەنووسی جیهان گیانیان لەدەستداوە

SNN

رێکخراوێکی کۆمەڵەی مەدەنی دەڵێت، بەهۆی کۆرۆناوە 840 رۆژنامەنووسی جیهان گیانیان لەدەستداوە.

رێكخراوی كۆمەڵگەی مەدەنی (PEC) لە راپۆرتێکی نوێیدا دەڵێت: لە ساڵی 2020 و بەهۆی بڵاوبوونەوەی پەتای ڤایرۆسی كۆرۆناوە، 840 رۆژنامەنووسی لە سەرتاسەری جیهان گیانیان لەدەستداوە، واتە تێکڕا رۆژانە زیاتر لە دوو رۆژنامەنووس بەھۆی ڤایرۆسی کۆرۆناوە گیانیان لەدەستداوە.
ئامارەكە زانیارییەكانی بەم شێوەیەی خوارەوە پۆلێنكردووە:
لە وڵاتانی ئەمەریکای لاتین 458 رۆژنامەنووس گیانیان لەدەستداوە.
لە کیشوەری ئاسیا لە 17 وڵات 151 رۆژنامەنووس، لە ئەورووپا لە 16 وڵات 147 رۆژنامەنووس، لە ئەمەریکای باکوور لە 2 وڵات 45. لە کیشوەری ئەفریقا لە 15 وڵات 39 رۆژنامەنووس بەهۆی ڤایرۆسی كۆرۆناوە گیانیان لەدەستداوە.
ھەر بەپێی روونکردنەوەکە، لە پیرۆ 108، لە بەرازیل 102، لە ھیندستان 56 و لە ئیتاڵیا 46 رۆژنامەنووس بەهۆی كۆرۆناوە گیانیان لەدەستداوە, لە تورکیا 26 رۆژنامەنووس گیانیان لەدەستداوە.