بەرهەم ساڵح یاسای دەستەبەرکردن و بەکارهێنانی ڤاکسینی پەسەندکرد

SNN

بەرهەم ساڵح، سەرۆککۆماری عێراق، یاسای دەستەبەرکردن و بەکارهێنانی ڤاکسینی پەتای کۆرۆنای پەسەندکرد.

ئەمڕۆ سێشەممە بەرهەم ساڵح، لەمیانی واژووکردنی یاساکەدا رایگەیاند: پەسەندکردنی یاساکە بۆ بەرەنگاربوونەوەی مەترسییەکانی پەتای کۆرۆنا و خێرا دابینکردنی ڤاکسین و پاراستنی ھاووڵاتیانە لەدەرئەنجامەکانی پەتای کۆرۆنا، هەروەها بۆ ئەوەیە کارمەندانی تەندروستی و پزیشکییەکان بتوانن پێداویستییەکانی پرۆسەی بەرەنگاربوونەوەی پەتاکە و پێدانی ڤاکسینەکە دابین بکەن.

پەسەندکردنی یاساکە لەلایەن بەرهەم ساڵحەوە دوای گەیشتنی یاساکەیە بۆ سەرۆکایەتی کۆمار لە ئەنجوومەنی نوێنەرانەوە پاش ئەوەی کە لە ئەنجومەنەکە دەنگی لەسەر درابوو.