ئەمریکا: ئێران دەیەوێت پێگەی لە ئەفغانستان بەهێزبکات
سەربازانی ئەمریکا لە ئەفغانستان وێنە: CNN
SNN
فەرماندەی ناوەندی هێزەکانی ئەمریکا رایگەیاند: “ئێران لە هەوڵی بەهێزکردنی پێگەیدایە لە ئەفغانستان بۆ ئەوەی بەرژەوەندییەکانی ئەمریکا بەئامانجبگرێت”.
کێنس مەکەنزی دەڵێت: “ئەوەی جێگەی نیگەرانی منە بێتوانایی سوپای ئەفغانستان و هێزی ئاسمانی ئەو وڵاتەیە لە کۆنتڕۆڵکردنی خاکەکەی و پاراستنی سەقامگیری ئەفغانستان ئەوەش لەدوای کشانەوەی هێزەکانی ئەمریکا لە وڵاتەکە”.
مەکەنزی نیگەرانی نیشاندا لەوەی چی روودەدات ئەگەر ئەمریکا پشتیوانییە سەربازییەکانی بۆ هێزەکانی ئەفغانستان رابگرێت.
ئەمە لەکاتێکدایە دوو هەزار و 500 سەربازی ئەمریکا لە ئەفغانستانن و لە سەرەتای مانگی داهاتووشەوە دوا قۆناغی کشانەوەی هێزەکانی ئەمریکا لە ئەفغانستان دەستپێدەکات.
