هندستان.. لە نەخۆشخانەیەکی کۆرۆنادا ئاگر کەوتەوە

SNN

لەکاتێکدا هند لە تەقەلای ئەوەدایە کۆنترۆڵی پەتاکە بکات، بەیانی ئەمڕۆ هەینی لە نەخۆشخانەیەکی شاری بۆمبای کە نەخۆشانی کۆرۆنای لێیە، ئاگر کەوتەوە.

بەپێی شایەتحاڵەکان و سەرچاوەیەک کە قسەی بۆ فرانس پرێس کردووە “بەهۆی رووداوەکەوە 13 تووشبووی کۆرۆنا گیانیانلەدەستداوە”.

مۆریسۆن فاخاری پزشکێکی نەخۆشخانەکەیە دەڵێت: “لە یەکەیەکی چاودێریی ورد 17 تووشبوو لە ژێر ئۆکسجیندا بوون، 13یان یەکسەر بەهۆی ئاگرەکەوە گیانیلەدەستداوە و 4 یان براونەتە جێگەیەکی دیکە”.

ئەمە لەكاتێكدایە چوارشەممەی رابردوو، 22 توشبووی تری پەتای كۆرۆنا لە نەخۆشخانەیەكی هەرێمی ماهاراشترا گیانیان لەدەستدا بەهۆی نەمانی ئۆكسجینەوە.

لە هندستان 15 ملیۆن و 930 هەزار کەس کۆرۆنایان گرتووە، دوێنێش 2104 کەس بە کۆرۆنا گیانیانلەدەستداوە، کۆی ژمارەی گیانلەدەستدان لەو وڵاتە بۆ 184 هەزارو 700 کەس بەرز بووەتەوە.