گروپە شاخەوانییەکان لە مەترسییەک ئاگادار دەکرێنەوە

SNN

شاخەوانێکی کوردستان گەشتیاران و شاخەوانانی کوردستان ئاگادار دەکاتەوە لە مەترسی دەرکەوتنی مین و تەقەمەنی لە هەندێک ناوچە و داوا دەکات بە وریاییەوە مامەڵە بکەن.

ئاکام شەفیق، یەکێک لە ئەندامانی گروپی شاخەوانی لە کوردستان رایگەیاند: ئاگاداری ھەموو شاخەوانان و گەشتیاران دەکەینەوە کە لەم وەرزەدا ڕوو دەکەنە شاخی ھەڵگورد، بەھۆی توانەوە و ڕەش بوونەوەی بەفر لوغم و مین تەقەمەنیەکان ھەمووی بەدیار کەوتوون و پێویستە بە وریاییەوە مامەڵە بکرێت.

باسی لەوەش کرد، بەتایبەت (خوارووی میران، ڕێگای باسکە پیوازە نزیک گۆمی سەر نشێوە، لە بناری چیای ھەڵگورد) بە دەیان مین و تەقەمەنی تاکو ئێستاش لەوێ ماون و پوچەڵ نەکراونەتەوە، ئەم ترسییەش رەنگە لە تەواوی چیاو ئەو ناوچانەی کە شاخەوانەکان سەردانی دەکەن ئەگەری بوونی هەیە، بۆیە دەبێت بەوپەری وریاییەوە ماڵە بکرێت لە کاتی شاخەوانیدا.