“تورکیا پیلانی داناوە شەڕی پێشمەرگە و گەریلا دروستبکات”
SNN
کوێستان کوردستان فەرمانداری هەپەگە رایگەیاند: “لە دەرکارێ تورکیا پلانی داناوە شەڕی پێشمەرگە و گەریلا دروست بکات”.
کوێستان کوردستان فەرمانداری هەپەگە لە لێدوانێکيدا رايگەياندووە: “نامانەوێت شەڕی کورد و کورد بکەین، دەمەوێت بڵێم کە چەکی پەکەکە بەرامبەر بە هیچ هێزێکی کوردی نابێت، داوا دەکەین کە پاشەکشە بە هێزی خۆیان بکەن چونکە ئێمە نامانەوێت ئەو شەڕە بکەین”.
دەشڵێت “پیلانێک و ئاژاوەیەک هەیە کە دەیانەوێـت جەنگی کورد و کورد بکرێت و دەمانەوێت پێشمەرگەش وشیار بن و ئەم شتانە ببینێت و دەیانەوێت کین و رق لە باشوور بەرامبەر بە ئێمە دروستبێت و تورکیا باشووری کوردستانیش داگیربکات”.
کوێستان کوردستان ئاماژەی بەوەشدا، “دەبێت رێگا لە داگیرکاری تورکیا بگیرێت لە باشوری کوردستان، چونکە ئەو دەستەی بۆ باشووری کوردستان درێژدەکرێت دەیشکێنین، ئامانجی ئێمە شەڕکردنە لەگەڵ سوپای تورکیا نەک پێشمەرگە”.
