دوا ویلایەتی ئەفغانستان کەوتەدەست تاڵیبان
SNN
سەرکردەیەکی تاڵیبان رایگەیاند چەکدارانی بزووتنەوەکە لەئێستادا دەستیان بەسەر تەواوی ئەفغانستاندا گرتووە.
ئەو سەرکردەیە بە ئاژانسی هەواڵی رۆیتەرزی راگەیاند کە چەکدارەکانی تاڵیبان توانیویانە ویلایەتی پێنجشیر بەتەواوی کۆنتڕۆڵ بکەن و هێزەکەی ئەو ویلایەتە تێکبشکێنن.
وتیشی دوا شەڕی تاڵیبان لە ناوچەی بریان-ی پێنجشیر بووە کە دووەم گەورەترین شاری ویلایەتەکەیە.
سێ سەرچاوە لە ناو بزوتنەوەی تاڵیبانەوە بە رۆیتەرزیان وتووە، مەلا عەبدولغەنی برادەر بەرپرسی مەکتەبی سیاسی بزوتنەوەکە دەبێتە سەرۆکی نوێی حکومەتی ئەفغانستان.
ئاماژەیان بەوەشکردووە، مەلا محەمەد یەعقوب کوڕی مەلا عومەر دامەزرێنەری تاڵیبان و شێر محەمەد ئیستکانزی لە سەرکردە دیارەکانی ئەو بزوتنەوەیە پۆستی باڵایان پێدەدرێت.
