شاندە هاوبەشەکەی یەکێتی و پارتی لەگەڵ لایەنە سوننەکان کۆبوونەوە

SNN

ئێوارەی ئەمڕۆ شاندی هاوبەشی یەکێتی و پارتی لەگەڵ كوتلەی تەقەدوم بەسەرۆكایەتی محەمەد حەلبوسی و كوتلەی عەزم بەسەرۆكایەتی خەمیس خەنجەر كە نوێنەرایەتی سونەكانی عیراق دەكەن كۆبونەوە سەبارەت بە پرسی پێکهێنانی حکومەتی نوێی عێراق.
کۆبوونەوەکەیان لەدوای ئەوەدێت ئەمڕۆ هەینی شاندەکە لەگەڵ ڕەوتی سەدر کۆبوونەوە و پرسەکانی پێکهێنانی حکوومەتی نوێی عێراق و پشک و مافەکانی لایەنەکان لە نێوانیان تاوتوێ کرا.
بەمەبەستی گفتوگۆكردن لە بارەی پێكهێنانی كابینەی نوێی حكومەتی عێراق و هەروەها پشك و بەركەوتەكانی كورد لە كابینەی نویی حكومەتی عێراقی، ئەمڕۆ شاندێكی هاوبەشی یەكێتی و پارتی سەردانی بەغدایان كردوو لە كۆبوونەوەیان لەگەڵ لایەنە عێراقییەكان پەیامی كورد دەگەیەنن بەو لایەنانە.

بڕیارە ڕۆژی یەكشەممەی داهاتوو یه‌كه‌م كۆبوونەوەی ئەنجوومەنی نوێنەرانی عێراق به‌ڕێوه‌ بچێت‌ و ئەندامان سوێندی یاسایی بخۆن و دواتریش كاره‌كانی تری پڕۆسه‌ی پێكهێنانی سه‌رۆكی په‌رله‌مانی و سه‌رۆكی ئه‌نجوومه‌نی وه‌زیران و سه‌رۆككۆمار ئه‌نجام بدرێن.