فریای سنووری پێنجوێن بكەون تا كارەسات رووی نەداوە
بهفربارین له سلێمانى | فۆتۆ: SNN
SNN
ئەندامێكی ئەنجومەنی پارێزگای سلێمانی داوا دەكات، بەھۆی نزمبوونەوەی پلەكانی گەرما، فریای سنوری قەزای پێنجوێن بكەون تا كارەسات رووی نەداوە.
ئیسماعیل عەلی ئەندامی ئەنجومەنی پارێزگای سلێمانی داوایەكەی بەپەلە ئاڕاستەی جێگری سەرۆكی حكومەت و پارێزگاری سلێمانی و ئەنجومەنی پارێزگا دەكات و دەڵێت، تکایە لەم بارودۆخە نەخوازراوەدا فریای دانیشتوانی پێنجوێن و هەردوو ناحیەیی ناڵپارێزو گەرمک گوندنشینەکانی ئەو سنورە بکەون تا کارەسات ڕوی نەداوە لەبەر ئەوەی خەڵک باردۆخی زۆر خراپە کارەبا کەمەو زوو زوو ئەبڕێت ،زۆربەی خەڵک نەوتی نیە.
دەشڵێت، ھاوڵاتیان غاز بەکار دەھێنن وەک سوتەمەنی بۆ گەرمکردنەوە، ئێستا غازیش دەستناکەوێک، بەپێی پێشبینیەکانی کەشناسی شەپۆلی بەفرو سەرما لەم هەفتەیەدا ڕولەناوچەکە دەکاتەوە، تکایە پێش هاتنی ئەم شەپۆلە غاز دابین بکەن بۆ ئەم سنورە،تاکارەسات ڕونەدات چونکە بەرپرسیارێتی لە ئەستۆی ئێوەیە.
