رووسيا بەردەوامە لە ناردنی غاز بۆ ئەوروپا
SNN
کۆمپانیای وزەی گازپڕۆمی رووسی رايگەياند: بەردەوامە لە هەناردەکردنی گازی سروشتی بۆ ئەوروپا لەڕێی ئۆکرانیاوە، ئەوەش لەسەر خواستی کڕیارە ئەوروپییەکان.
کۆمپانیاکە راشيگەياند: لە 23ی مانگی سێدا 106.5 ملیۆن مەتر سێ جا گازی سروشتی داواکراوە، لە 22 ی مانگی سێشدا 108 مەتر سێ جا داواکراوە.
بەردەوامبوونی هەناردەی گازی سروشتی رووسیا لەلایەن ئەو کۆمپانیایەوە لەمیانەی داگیرکارییەکەی ڕووسیادا دێت لە ئۆکرانیا، کە بووەتە هۆی ئەوەی وڵاتانی رۆژئاوا سزایەکی گەورەی ئابووری بەسەردا بسەپێنن و هاوکات ئەمەریکاش هەناردەی نەوت و گازی رووسی قەدەغەکردووە، بەڵام تاوەکو ئێستا یەکێتی ئەوروپا ئەو رێوشوێنەی نەگرتۆتەبەر.
