بایدن: ئەگەر رووسیا چەکی کیمیایی بەکاربھێنێت وەڵامی دەدەینەوە
جۆ بايدن، سەرۆکی ئەمريکا
SNN
سەرۆکی ئەمریکا، ئاشكرایكرد: لە ئەگەری بەکارھێنانی چەکی کیمیای لەلایەن رووسیاوە لە ئۆکرانيا، ئهوا وەڵامی بهكارهێنانی چهكهكه دەدەنەوە وهڵامهكهش بهند دهبێت بە شێوازی بەکارھێنانی چەکەكه.
جۆ بایدن سەرۆکی ئەمريکا لە دوای کۆتایی ھاتنی لوتکەی نائاسایی سەرکردەکانی ناتۆ لە برۆکسل، لە کۆنگرەیەکی رۆژنامەوانیدا، سەبارەت بە بوونی زانیاریی ھەواڵگریی لەسەر ئهوهی ئایا رووسیا چەکی کیمیای لە ئۆکرانيا بهكارهێناوه یان نا، وتی: “لە ئێستادا ناتوانم زانیاریی ھەواڵگریتان پێبدەم، ھەر بۆیە ناتوانم وەڵامی پرسیارەکە بدەمەوە.
راشيگەياند: بەڵام ئەگەر رووسیا چەکی کیمیای بەکاربھێنێت وەڵامی دەدەینەوە، ناوەڕۆکی وەڵامەکەش پەیوەست دەبێت بە شێوازی بەکارھێنانی چەکەکە”.
سەرۆکی ئەمریکا لە وەڵامی پرسیاری “ئایا لەو بڕوایەدان کە دەبێـت رووسیا لە گرووپی G20 دەربکرێت، وتی: “وەڵامم بۆ ئەمە بەڵێیە، ئەم دۆخەش پەیوەستە بە G20، ئەگەر ئەمە جێبەجێ نەکرا و ئیندۆنيزیا و وڵاتانی دیکە رووبەرووی بوونەوە ئەوە دەبێت بەشداریکردنی ئۆکرانيا لەم کۆبوونەوانە فەراھەم بکەین”.
