دانیشتنی پەرلەمانی عێراق تا کاتێکی نادیار دواخرا
ئهنجوومهنى نوێنهرانى عێراق | فۆتۆ: BT
SNN
سەرچاوەیەكی پەڕلەمانی لە عێراق بە میدیا عێراقییەکانی راگەیاند:” لە كۆبوونەوەی ئەمڕۆی پەڕلەماندا تەنها 175 پەڕلەمانتار ئامادەبوون و ئەوەش بەراورد بە كۆبوونەوەی پێشتر ڕێژەكە زیاتر كەمی كردووە”.
ئاماژەی بەوەشكرد، تا دێت كێشەی سیاسی لە عێراق زیاتر دەبێت و هەردوو بەرەی هاوپەیمانی ڕزگاريی نيشتمان و چوارچێوەی هەماهەنگی لەیەكتر دووردەكەونەوە و هیچیان ئامادەنین سازش بكەن.
سەرچاوەكە جەختیشی كردەوە، كە سەدر لە دواین پەیامی لە حكومەتی زۆرینە كردۆتەوە و لە بەرامبەریشدا بەرەی چوارچێوەی هەماهەنگی داوای حكومەتی هاوبەشی نیشتمانی دەكەن و هەر ئەمڕۆ مالكی ڕایگەیاند، كە دەستپێشخەری نوێی دەبێت، بۆیە دانیشتنی پەرلەمانی عێراق تا کاتێکی نادیار و رێککەوتنی ئەو لایەنانە دواخرا.
