دهوڵهتى یاسا: حكومهتێكى زۆرینه پێكدههێنین
وتارى نوری مالكى، سهرۆكى هاوپهیمانى دهوڵهتى یاسا | فۆتۆ: پێگهى هاوپهیمانى فهرمى دهوڵهتى یاسا
SNN
ئهندامێكى ئهنجوومهنى نوێنهرانى عێراق له هاوپهیمانى دهوڵهتى یاسا رایدهگهیهنێت، حكومهتى داهاتووى عێراق كه ئێمه پێكیدههێنین هاوشێوهى ئهو حكومهتهى كه سهدر ویستى، حكومهتێكى زۆرینه دهبێت.
ئهمڕۆ پێنجشهممه 14ى تهمموز، فازل كاسار، ئهندامى ئهنجوومهنى نوێنهرانى عێراق له هاوپهیمانى دهوڵهتى یاسا به میدیاكانى عێراقى راگهیاند، “حكومهتى داهاتووى عێراق كه ئێمه پێكیدههێنین پاڵپشته به زۆرینهیهكى پهرلهمانى كه زۆرینهى لایهنهكان تێیدا بهشدارن، چونكه حكومهتێكى زۆرینهیه، واته ههمان ئهو حكومهتهيه كه سهدر خواستى بوو پێكبهێنرێت”.
وتیشى: “ئهو حكومهتهى كه ئێمه پێكیدههێنین پێویستى به سهرۆكوهزیرانێكى بههێز ههیه لهبهر ئهوه له ئێستادا گفتوگۆكان بهڕێوهدهچن بۆ ئهوهى ئهو سهرۆكوهزیرانه بههێزه ههڵبژێرین”.
به وتهى ئهندام پهرلهمانهكهى هاوپهیمانى دهوڵهتى یاسا، “بهشدارینهكردنى سهدر له حكومهتى داهاتووى عێراقدا نابێته هۆكارى لاوازبوونى حكومهتهكه”.
فازل كاسار ئهوهشدهخاتهڕوو، “له ئێستادا ژمارهى ئهندام پهرلهمانهكانى چوارچێوهى ههماههنگى له پهرلهمان بۆ دوو هێنده زیادیكردووه ئهمهش وادهكات دهوڵهتى یاسا كه بهشێكه له چوارچێوهى ههماههنگى حكومهتێكى بههێز پێكبهێنێت”.
