“دەنگۆی هەڵاتنی مالکی راست نييە”
SNN
سەرچاوەیەکی نزیک لە نوری مالکی سەرۆکی هاوپەیمانی دەوڵەتی یاسا ئەو هەواڵانەی ڕەتکردەوە کە لەبارەی هەڵاتنی نوری مالکی بەرەو عەمان بڵاوکرانەوە لەدوای بڵاوبوونەوەی تۆمارە دەنگییەکەی.
ئەو سەرچاوەیە بە میدیای عێراقی ڕاگەیاند: ئەو هەواڵانە دوورن لە ڕاستییەوە و مالکی لە ماڵی خۆیەتی لە بەغدا و بەرەو هیچ وڵاتێکی دیکە هەڵنەهاتووە.
هاوکات، چەند لایەنێکیشی تۆمەتبار کرد بەوەی، دەیانەوێت دۆخی سیاسی عێراق بقۆزنەوە بۆ بڵاوکردنەوەی ئەو پروپاگەندانە تا کاریگەری لەسەر ڕای گشتی دابنێن و پشێوی دروست بکەن لەبەردەم پڕۆسەی پێکهێنانی حکومەت.
پێشتر تۆمارێکی دەنگی نوری مالکی بڵاوکرایەوە کە تێیدا کۆمەڵێک بابەتی هەستیار دەوروژێنێت و باس لە مەترسی قۆناغی داهاتووی پڕۆسەی سیاسی عێراق دەکات و هەر لە تۆمارەکەشدا هێرشی توند دەکاتەسەر موقتەدا سەدر سەرۆکی ڕەوتی سەدر.
