شەڕی ئۆکرانیا و رووسیا رابگرن
SNN
شی جین پینگ له دیدارێكیدا له‌گه‌ڵ ئیمانوێل ماكرۆن سه‌رۆكی فەره‌نسا، له په‌راوێزی كۆبونه‌وه‌ی لوتكه‌ی (G20) له بالی ڕایگه‌یاند: “چین له‌گه‌ڵ ئاگربه‌ست له ئۆكرانیا و ده‌ستپێكردنی دانوستانه‌كانی ئاشتییه، هه‌روه‌ها كۆمه‌ڵگه‌ی نێوده‌وڵه‌تیش پێویسته هه‌لومه‌رج بۆ ئه‌وه دروستبكات”.
هه‌ر له‌و دیداره‌دا، هه‌ردوو سه‌رۆكی چین و فەره‌نسا بیروڕایان له‌باره‌ی دۆخی ئۆكرانیا ئاڵوگۆڕ كرد، شی جین پینگ جه‌ختی له‌وه كرده‌وه، “هه‌ڵوێستی چین سه‌باره‌ت به قه‌یرانی ئۆكرانیا یه‌كگرتو و روونه، هه‌روه‌ها پشتیوانی ئاگربه‌ست و وه‌ستاندنی ئۆپه‌راسیۆنه سه‌ربازییه‌كان و ده‌ستپێكردنی دانوستانه‌كانی ئاشتی ده‌كات”.
شی جین پینگ ئاماژەی بەوەشکرد، “كۆمه‌ڵگه‌ی نێوده‌وڵه‌تی ده‌بێت هه‌لومه‌رجێك بۆ ئه‌مه دروست بكات، چینیش به‌رده‌وام ده‌بێت له ڕۆڵی بنیاتنه‌ری خۆی”.
