عێراق لێكۆڵینهوه له بهكارهێنانى چهكى كیمیایی له ههرێم دهكات لهلایهن توركیاوه
رزگاركردنى سهربازێكى بهركهوتووى چهكى كیمیایی | فۆتۆ: AP
SNN
ئهنجوومهنى نوێنهرانى عێراق لیژنهیهكى تایبهتمهندى پێكهێناوه بهمهبهستى لێكۆڵینهوه له بهكارهێنانى چهكى كیمیایی له ههرێمى كوردستان لهلایهن وڵاتى توركیاوه و ئهندامێكى ئهو ئهنجوومهنهش دهڵێت: “لیژنهكه دهچێته شوێنى ئۆپراسیۆنهكان و بهڵگهى تهواو كۆدهكاتهوه”.
ئهمڕۆ چوارشهممه 16ى تشرینى دووهم، ڕهفیق ساڵحى، ئهندامى ئهنجوومهنى نوێنهرانى عێراق له هاوپهیمانى فهتح به میدیاكانى عێراقى راگهیاند، “لهنێو ئهنجوومهنى نوێنهرانى عێراق بابهتى بهكارهێنانى چهكى كیمیایی لهلایهن وڵاتى توركیاوه لهنێو خاكى ههرێم خراوهتهبهر باس لهبهر ئهوه لیژنهیهكى تایبهتمهندمان پێكهێناوه بهمهبهستى بهدواداچوونكردن بۆ ئهم بابهته”.
وتیشى: “لیژنهكه لهناوچهى ئۆپراسیۆنهكان بهڵگهى تهواوهتى كۆدهكاتهوه بۆ ئهوهى راستى یان ناڕاستى ئهو بابهته روونبكاتهوه”.
لهبهشێكى ترى قسهكانیدا ئهندامهكهى ئهنجوومهنى نوێنهرانى عێراق لهبارهى ئهندامانى لیژنهكهوه ئهوهشى خستهڕوو، “لیژنهكه نوێنهرى وهزارهتى بهرگریی و لیژنهى ئاسایش و بهرگریی پهرلهمانى عێراق و نوێنهرى وهزارهتى دهرهوهشى تێدایه”.
لهبارهى ئهوهى ئهگهر ئهنجامى راپۆرتهكان ئهرێنى بوو لیژنهكه چ كاردانهوهیهكى دهبێت ڕهفیق ساڵحى ئهوهشى روونكردهوه، ” لیژنهكه ئامانجیهتى كه بهڵگهى تهواوهتى كۆبكاتهوه لهسهر ئهو بابهته تاوهكو بتوانێت له ئهنجوومهنى ئاسایشى نهتهوه یهكگرتووهكان سكاڵاى یاسایی تۆمار بكات”.
بهكارهێنانى چهكى كیمیایی لهلایهن حكومهتى توركیاوه لهنێو خاكى ههرێم لهمیانى ئۆپراسیۆنهكانى دژى پارتى كرێكارانى كوردستان ماوهى چهند ساڵێكه گفتوگۆى زۆرى لهبارهوه دهكرێت.
