زیاتر لە 30 کەس لە رووداوی شەمەندەفەرەکەی يۆناندا گیانیان لەدەستدا
SNN
لە وڵاتی یۆنان و نزیک شاری لاریسا رووداوێکی پێکدادان لەنێوان دوو شەمەندەفەردا روويدا و بەهۆيەوە تا ئێستا زیاتر لە 30 کەس گیانیان لە دەستداوە و دەیان کەسیش بریندار بوون.
ميدياکانی يۆنان رايانگەياندووە: پرۆسەی رزگارکردن و گەڕان بە دوای سەرنشینەکاندا بەردەوامە بەڵام لەبەر سەختی پێکدادانەکە لە دۆخێکی دژواردا پرۆسەکە بەڕێوەەدەچێت، تا ئێستا (250) سەرنشین رزگارکراون.
باس لەوەشکراوە: پێکدادانەکە لە نێوان شەمەندەفەرێکی بارهەڵگر و شەمەندەفەرێک کە 350 سەرنشینی هەڵگرتووە و لە ئەسینای پایتەختەوە بەرەو تیسالۆنیکی رۆیشتووە، بەرگریی شارستانیی یۆنانيش رايگەياندووە: لە بەشێکی شەمەندفەرەکە ئاگرکەوتووەتەوە بەڵام توانراوە ئاگرەکە کۆنترۆڵ بکەن.
