پەرلەمانی عێراق رۆژی چوارشەممەی بۆ تاوتوێكردنی پڕۆژەی یاسای بودجە دیاریكرد

SNN

ئەمڕۆ دووشەممە، بەشی ڕاگەیاندنی ئەنجوومەنی نوێنەران کارنامەی دانیشتنی چوارشەممەی داهاتووی ڕاگەیاند، بەپێی کارنامەکە خوێندنەوەی يەکەم بۆ پڕۆژەياسای بودجە دەکرێت.

بەپێی کارنامەی دانيشتنەکە “رۆژی چوارشەممە 5ی نيسان خوێندنەوەی یەکەم بۆ پڕۆژەیاسای بودجە بۆ ساڵانی (2023، 2024، 2025) دەکرێت و دانیشتنەکە کاتژمێر نۆی ئێوارە بەڕێوەدەچێت”.

رۆژی 13ی مانگی رابردوو ئەنجوومەنی وەزیرانی عێراق بە سەرپەرشتیی محەممەد شیاع سوودانی کۆبووەوە، لە کۆبوونەوەکەدا پڕۆژەیاسای بودجەی ساڵانی 2023 و 2024  و 2025 پەسند کرا و رەوانەی ئەنجوومەنی نوێنەرانی عێراق کرد، لە پڕۆژەياساکەدا پشکی هەرێمی کوردستان بە %12 دياريکرا.