کەشناسی عێراق “باران دەبارێت”

SNN

دەستەی کەشناسی عێراق رایگەیاند: ئەمڕۆ شەممە ئاسمان هەرێم و عێراق ساماڵ و پەڵەهەور دەبێت و پلەکانی گەرما لە سەرجەم عێراق دادەبەزن، لە بارەی یەکشەممەوە، کەشناسی دەشڵێت: “ئاسمان ساماڵ دەبێت لەگەڵ بونی پەڵە هەور لە ناوچەکانی باکووری عێراق هەرێم و پلەکانی گەرما بە جێگریی دەمێننەوە.”

کەشناسی عێراق ئاماژەی بەوەشکردوە، رۆژی دووشەممە، بەهەمان شێووەی یەکشەممە ئاسمان ساماڵ و پەڵەهەور دەبێت و لەناوچە شاخاوییەکان باران دەبارێت بەرێژەیەکی کەم، لە رۆژی سێشەممەدا، ئاسمان ساماڵ دەبێت، پلەکانی گەرما لە هەرێم و باکوری عێراق زیاتر دادەبەزن.

ئەوەش لەکاتێکدایە، کەشناسی هەرێم ڕایگەیاند: پێشبینى دەکرێ لە ئەمڕۆ شەممە وە پلەکانى گەرما بە (4 – 6) پلەى سیلیزى نزم بێتەوە بە بەراورد بە تۆمارکراوەکانى ڕۆژی پێشوو و خێرایی با (10-20) کم/س دەبێت و ئاسمانیش ساماڵ و پەڵەهەوردەبێت.

ڕۆژی دوو شەممە ئاسمانى هەرێم نیمچە هەوردەبێت لە گەڵ ئەگەرى بارینى کەمێک نمە باران لە ناوچەکانى باکور و ناوەڕاست و باکورى ڕۆژهەڵاتى هەرێم, هەروەها بۆ ڕۆژانى دواتریش پلەکانى گەرما هاوشێوەى ڕۆژانى پێشتر دەبێت.