لە هێرشێکی چەکداریدا دوو پۆلیسی ئێرانی کوژران
ئاڵاى وڵاتى ئێران | فۆتۆ: AFP
SNN
لە ئەنجامی هێرشێکی چەکداریدا لە ناوچەی بەلوچستان، دوو پۆلیسی ئێران کوژران و یەکێکیش بەسەختی برینداربوو.
ئەمڕۆ شەممە 6ی نیسان، سایتی حالڤەش کە هەواڵەکانی ناوچەی بەلوچستان دەگوازێتەوە ڕایگەیاند، لە ئاکامی شەڕ و پێکدادان لە نێوان ژمارەیەک چەکدار لەگەڵ هێزە ئەمنییەکانی ئێران لە ناوچەی زاهیدان لە پارێزگای بەلوچستان، دوو پۆلیس کوژراون و یەکێکیش بەسەختی بریندارکراوە.
ئاژانسە هەواڵییەکانی سەر بە حکومەتی ئێرانیش هەواڵی کوژرانەکەیان پشتڕاستکردووەتەوە و ئاشکرابووە، شەڕەکە لە نێوان چەند چەکدارێک ڕوویداوە و پۆلیس بەنیەتی ناوبژی کردن ڕۆشتووە بەڵام لەلایەن چەکدارەکانەوە پێکراون.
ئەوەشخراوەتە ڕوو، هێشتا ناسنامەی هێرشبەران ئاشکرا نییە و زانیاری دیکە بڵاونەکراوەتەوە.
