ژمارەی کوژراوانی غەززە بۆ زیاتر لە 33 هەزار کەس بەرزبووەتەوە
ژن و منداڵێک لە غەززە
SNN
وەزارەتی تەندروستیی غەززە رایگەیاند، ژمارەی کوژراوانی شەڕی نێوان ئیسرائیل وحەماس لە سەرەتای شەڕەکەوە تاکو ئێستا بۆ زیاتر لە 33 هەزار کەس بەرزبووەتەوە.
ئەمڕۆ شەممە 6ی نیسان، وەزارەتی تەندروستیی غەززە رایگەیاند، بەهۆی هێرشەکانی ئیسرائیلەوە بۆ سەر غەززە ژمارەی کوژراوان بۆ زیاتر لە 33 هەزار کەس بەرزبووەتەوە.
ئاماژە بەوەکراوە، هێرسەکانی ئیسرائیل بۆ سەر غەززە بەردەوامە و لە ماوەی 24 کاتژمێردا 46 کەس کوژراون و 65 کەسی تریش برینداربوون.
روونیکردووەتەوە، تاکو ئێستا ژمارەیەکی زۆر لە کوژراوان لە ژێر داروپەردووی خانوو و باڵەخانە رووخاوەکان و سەرشەقامەکانن، هاوکات رێگری لە تیمەکانی فریاکەوتنن دەکرێت بگەنە ئەو شوێنانە و لاشەان کۆبکەنەوە.
جەختی لەوە کردووە، بەوهۆی هێرشە بەردەوامەکانی ئیسرائیلەوە لە7ی ئۆکتۆبەرەوە تاکو ئێستا ژمارەی کوژراوان گەیشتووەتە 33 هەزار و 137 کەس، 75 هەزار و 815 کەسیش بریندرابوون.
