دەستەی حەج و عەمرەی عێراق چەند کۆمپانیایەکی دەستگیرکرد
حەج
SNN
دەستەی حەج و عەمرەی عێراق رایگەیاند، خاوەنی چەند کۆمپانیایەک بە تۆمەتی بانگەشەکردن و ریکلامکردن بۆ حەجی بازرگانی دەستگیرکراون.
ئەمڕۆ هەینی 26ی نیسان، حەسەن فەھد کەنانی، وتەبێژی دەستەی حەج و عەمرەی عێراق رایگەیاند، چەند کۆمپانیایەکی حەج و عەمرە ھاووڵاتیانیان ھەڵخەڵەتاندووە و بانگەشەی ئەوەیان کردووە کە ڤیزا دابین دەکەن بۆ سعودیە و دەتوانن فەریزەی حەج بەجێبگەیەنن، لە ژێر ناوی حەجی بازرگانی و ئەو کۆمپانیایانە مۆڵەتی کارکردنیان نییە و رێکاری یاسایی لە دژیان گیراوەتەبەر و دەستگیرکراون.
ئاماژەی بەوەکردووە، لەگەڵ وەزارەتی ناوخۆ و وەزارەتی حەج و عەمرەی سعودیە ھەماھەنگی ھەیە بۆ دانانی سنورێک بۆ ئەو کۆمپانیا و نوسینگانەی ھاووڵاتیان ھەڵدەخەڵەتێنن و بانگەشەی پێدانی ڤیزا دەکەن بەرامبەر بە بڕێکی زۆر لە پارە.
وتەبێژی دەستەی حەج و عەمرەی عێراق جەختیکردەوە، ڤیزای حەج بۆ ھاووڵاتیان لەلایەن دەستەکەوە دەدرێت و ھیچ کۆمپانیایەک و نوسینگەیەک ڤیزا دابین بکات.
