بانكی تی بی ئای لەسەر تەوتینی مووچەی هەرێم روونکردنەوەی بڵاوکردەوە

SNN

بانکی بازرگانیی عێراق (TBI) رایگەیاند، پابەندە بە بڕیارەکەی دادگای باڵای فیدڕاڵیی عێراق و دووپاتیشیدەكاتەوە، بە بانکیکردن (تەوتین)ی مووچە لە رێگەی بانکە فیدراڵییەکانەوە دەبێت.

بانکەكە لە راگەیەندراوێكدا ئاماژەی بەوەکرد، روونکردنەوەکەی لەسەر ئەو قسانەیە کە لەسەر بە بانکیکردنی مووچە لەلایەن بانکەکەیانەوە دەکرێن و دەڵێت، بڕیارەکەی دادگای باڵای فیدراڵی ئاماژەی بەوەکردووە، پێویستە مووچەی مووچەخۆرانی هەرێم لە رێگەی بانکە فیدراڵییەکانی دەرەوەی هەرێمەوە بکرێت، بەشداریی بانکەکەیان لە چوارچێوەی بانکە حکومییەکاندا دەبێت بە گوێرەی بڕیارەکەی دادگای باڵای فیدراڵیی عێراق.

لە کۆتایی راگەیەندراوەکەدا ئەوەش هاتووە، چاوەڕوانی حکومەتی هەرێم دەکەن بۆ ناردنی ناوی فەرمانبەران بەمەبەستی دەستکردن بە پڕۆسەی بەبانکیکردن (تەوتین)ی مووچەکانیان.