بەهۆی هەڵگرتنی چەکی بێمۆڵەتەوە کوڕی سەرۆکی ئەمریکا سزا دەدرێت

SNN

میدیا جیهانییەکان ئەمڕۆ چوارشەممە، بڵاویانکردەوە، لەلایەن دەستەی سوێندخواردنی دادگای فیدراڵی ئەمریکاوە، هانتەر بایدنی تەمەن 54 ساڵ کوڕی جۆو بایدنی سەرۆکی ئەمریکا بە تاوانبار ناسێندرا و سزا دەدرێت.

روونیشکراوەتەوە، ئەو تۆمەتەی هانتەر بایدنی لەسەر بە تاوانبار ناسێنراوە ئەوەیە، هانتەر بۆماوەی 11 رۆژ بەشێوەی نایاسایی هەڵگری چەکی بێمۆڵەت بووە، تا ئێستا هیچ وادەیەکی سزادان بۆ هانتەر بایدن دیاری نەکراوە، هەرچەندە زۆرترین ماوەی زیندانیکردن کە هانتەر بایدن رووبەڕووی دەبێتەوە 25 ساڵە.

لەو بارەیەشەوە، جۆ بایدن سەرۆکی ئەمریکا رایگەیاند، رازین بە ئەنجامی دۆسیەکە و رێز لە پڕۆسەی دادوەری دەگرن.

هاوکات، بەهۆی بە تاوانبار ناساندنی کوڕەکەیەوە، جۆ بایدنی سەرۆکی ئەمریکا، بوو بە یەکەم سەرۆک لە مێژووی وڵاتەکەدا کوڕێکى بە “تاوانبار” بناسێنرێت.