ئاماری گشتیی حاجیانی ئەمساڵ بۆ سعودیە ئاشکراکرا

SNN

وەزیری حەجی سعودیە ئاشکرایکرد، بۆ حه‌جی ئه‌مساڵ ژماره‌ی میوانانی ماڵی خوا گه‌یشتوه‌ته‌ یه‌ك ملیۆن و 833 هه‌زار و 164 حاجی.

ئەمڕۆ شەممە 15ی حەوزەیران وەزیری حەجی سعوودیە رایگەیاند، بۆ وەرزی حەجی ئەمساڵ ژمارەی حاجیان تاکو ئێستا گەیشتووەتە یەک ملیۆن و 833 هەزار و 164 حاجی، له‌و ژماره‌یه‌ 958 هه‌زار و 137 حاجی له‌ ره‌گه‌زی نێر و 875 هه‌زار و 27 جاجیش له‌ ره‌گه‌زی مێن.

سه‌باره‌ت به‌ حاجیانی ناوخۆیی و ده‌ره‌كیش روونیکردووەتەوە،‌ یه‌ك ملیۆن و 611 هه‌زار و 310 حاجی له‌ ده‌ره‌وه‌ی سعودیه‌وه‌ هاتوون و 221هه‌زار و 854 حاجیش له‌ ناخۆی سعودیه‌ و نیشته‌جێكانی ئه‌و وڵاته‌ن.

ئاماژەی بەوەکردووە،‌ یه‌ك ملیۆن و 546 هه‌زار و 345 حاجی به‌ رێگه‌ی ئاسمانی و 60 هه‌زار و 251یش به‌ رێگه‌ی وشكانی و 4 هه‌زار و 714ی دیكه‌ش به‌ رێگه‌ی ده‌ریایی روویان له‌و وڵاته‌ كردوه‌.

له‌ به‌شێكی دیكه‌ی ئاماره‌كه‌دا هاتووه‌ 22.3% حاجیان خه‌ڵكی وڵاتانی عه‌ره‌ب و 63.3% خه‌ڵكی وڵاتانی ئاسیای جگه‌ له‌ عه‌ره‌ب و 11.3%ش خه‌ڵكی وڵاتانی ئه‌فریقا و 3.2%ش له‌و ئه‌وروپاوه‌ هاتوون.