بەهۆی هەڵبژاردنەکانی فەرەنساوە بەهای یۆرۆ بەرزبووەوە

SNN

بەهۆی سەرکەوتنەکانی راسترەوەکان لە هەڵبژاردنی پەرلەمانی فەرەنساوە بەهای یۆرۆر بەیانی ئەمڕۆ بەرزبووەوە.

بەرەبەیانی ئەمڕۆ دووشەممە 1ی تەمموز، لەگەڵ کردنەوەی بازاڕەکان، بەهای یۆرۆ بەرزبوونەوەی تۆمار کرد و بە 1.0724 دۆلارەوە مامەڵەی پێوە کرا، ئەوەش دوای ئەوەی پارتی بەرەی نیشتمانی ڕاستڕەوی توندڕەو سەر بە مارین لوپێن سەرکەوتنی لە یەکەم خولی ھەڵبژاردنی پەرلەمانی فەڕەنسا بەدەستھێنا، بڕیاریشە ئەنجامە ڕەسمییەکانی ئەو ھەڵبژاردنە دوای ھەفتەیەک ڕابگەیەندرێت.

دوای ئەنجامە بەراییەکان، جوردان باردیلا سیاسەتمەداری دیار لە ڕەوتی ڕاستڕەوە توندڕەوەکان ئاشکرایکرد، “ئامادەیە پۆستی سەرۆکوەزیران وەربگرێت، ئەگەر بێتو پارتەکەیان لە خولی دووەمیشدا سەربکەون”، کە بڕیارە ھەفتەی داھاتوو ئەو خولە بەڕێوەبچێت.

شارەزایانی ئابوریش دەڵێن، بۆ ماوەی ھەفتەیەک بەرزی و نزمی لە بازاڕی دراو و بەھای یۆرۆ بەردەوامی دەبێت.