بۆ چاره‌سه‌ركردنى كێشه‌كانى حكومه‌تى هه‌رێم، سبه‌ى مه‌سعود بارزانى ده‌چێته به‌غدا
مه‌سعود بارزانى، سه‌رۆكى پارتى دیموكراتى كوردستان | فۆتۆ: SAFIN HAMED/AFP/GETTY
SNN
بڕیاره سبه‌ى سه‌رۆكى پارتى دیموكراتى كوردستان به‌مه‌به‌ستى چاره‌سه‌ركردنى كێشه‌كانى هه‌ولێر و به‌غدا سه‌ردانى به‌غدا بكات و له‌گه‌ڵ به‌رپرسانى عێراق كۆبێته‌وه.
بڕیاره چوارشه‌ممه 3ى ته‌مموز، مه‌سعود بارزانى، سه‌رۆكى پارتى دیموكراتى كوردستان، پاش شه‌ش ساڵ له دابڕان و سه‌ردانى نه‌كردنى به‌غدا، سه‌ردانى ئه‌و شاره بكات و له‌گه‌ڵ به‌رپرسانى حكومه‌تى ناوه‌ندیی و سیاسى به‌غدا كۆبێته‌وه، به‌مه‌به‌ستى چاره‌سه‌ركردنى كێشه‌كانى هه‌ردوو حكومه‌ت”. به‌پێى زانیارییه‌كانى رۆژنامه‌ى شه‌رق ئه‌ل-ئه‌وسه‌ت.
رۆژنامه‌كه له‌سه‌رزارى سه‌رچاوه‌كانیه‌وه ئاشكراى كردووه، “ناوه‌ڕۆكى ئه‌و پرسانه‌ى كه مه‌سعود بارزانى باسیان لێوه‌ده‌كات، زەمینەی ناكۆییەكانی نێوان بەغدا و هەولێر كۆمەڵێك پرس لەخۆ دەگرێت، لەنێویاندا شایستە داراییەكانی هەرێم و مووچەی فەرمانبەران و یاسای نەوت و غاز و دۆسیەی هەڵبژاردن, هەڵوێست لەبارەی پارێزگای كەركوك”.
به‌پێى زانیارییه‌كانى رۆژنامه‌كه، “یه‌كێكى تر له بابه‌ته‌كانى گفتوگۆ چاوه‌ڕوانده‌كرێت له سه‌ردانه‌كه‌ى مه‌سعود بارزاندا باسكردن بێت له دۆخى شه‌نگال”.
سه‌ردانه‌كه‌ى سه‌رۆكى پارتى دیموكراتى كوردستان پاش ئه‌وه دێت كه هه‌ولێر و به‌غدا تاوه‌كو ئێستا نه‌یانتوانیوه له‌سه‌ر كێشه‌كانیان بگه‌نه رێككه‌وتن، به‌تایبه‌ت له‌سه‌ر بابه‌تى بودجه و پاره‌ى مووچه‌ى هێزه ئه‌منییه‌كان.
