ئەمڕۆ هەڵبژاردنی پێشوەختە لە بەریتانیا بەڕێوەدەچێت

SNN

بەیانی ئەمڕۆ هەڵبژاردنی پێشوەختە لە بەریتانیا بەڕێوەچوو، نزیکەی 46 ملیۆن کەس چوونە سەر سندوقەکانی دەنگدان و 392 پارتیش بەشداریی هەڵبژاردنەکەیان کردووە.

بەگوێرەی میدیاکانی ئەو وڵاتە، بەیانى ئەمڕۆ پێنجشەممە 4ی تەمموز، دەنگدەرانى بەریتانیا چونەسەر سندوقەکانى دەنگدان بۆ هەڵبژاردنى 650 کورسیی پەرلەمانى وڵاتەکەیان و  392 پارت ناویان تۆمار کراوە لە کۆمسیۆنى هەڵبژاردنى وڵاتەکە.

هاوکات، ژمارەی دانیشتووانی بەریتانیا نزیکەى 67 ملیۆن کەسە و بەپێی یاساش لە تەمەنى 18 ساڵییەوە هاووڵاتییان دەتوانن دەنگبدەن و بەپێی ئامارەکان زیاتر لە 46 ملیۆن کەس ئەو مافەیان هەیە، دەنگدەران لە 650 بازنەی هەڵبژاردن لە ئینگلاند، سکۆتلاند، وێڵز و ئێرلەندای باکور دەنگ دەدەن، هەر پارتێکیش بۆ ئەوەی بتوانێت حوکمڕانی وڵاتەکە بگرێتە دەست، پێویستە بەلایەنی کەمەوە 326 کورسی بەدەست بهێنیت.

پارتی پارێزگاران کە 14 ساڵە لە دەسەڵاتە و خاوەنی 344 کورسییە، لەگەڵ پارتی کرێکاران کە خاوەنی 205 کورسی پەرلەمانە، بە رکابەری سەرەکی هەڵبژاردنەکە دادەنرێن.