سودانی لهگهڵ كوتلهی توركمانی ئهنجومهنی پارێزگای كهركوك كۆبووهوه
SNN
نووسینگهی راگهیاندنی سهركۆكوهزیرانی عێراق رایگهیاند كه ئهمڕۆ شهممه 27ی تهمموزی 2024 محهمهد شیاع سودانی سهرۆكی حكومهت له چوارچێوهی بهدواداچوونهكانی بۆ لێكتێگهیشتنهكانی هێزه نیشتیمانییهكان له پارێزگاكه بۆ پێكهێنانی حكومهتی خۆجێی، پێشوازی له ئهندامانی ئهنجومهنی پارێزگای كهركوك له پێكهاتهی توركمانی كرد.
له میانی دیدارهكهدا سودانی ئاماژهی به گرنگی زاڵكردنی بهرژهوهندی خهڵكی كهركوك كرد له ههر رێككهوتنێكی نێوان هێزه سیاسییهكانی براوهی ههڵبژاردنهكان، هاوكات داوایكرد ههمووان به یهك تیم كاربكهن، بهبێ پهراوێزخستنی هیچ هێزێك و بهپێویستی زانی بگهن به رێككهوتن لهسهر دیاریكردنی پارێزگاری كهركوك.
سهرۆك وهزیرانی عێراق داواشی له ئهندامانی ئهنجوومهنی پارێزگاكان كرد كه ئیدارهیهكی سهركهوتووی حكومهتی خۆجێی ههڵبژێرن و لهسهر ههڵبژاردنی پارێزگاری كهركوك رێكبكهون به شێوهیهك كه لهگهڵ خواستهكانی خهڵكی پارێزگاكهدا بگونجێت.
سودان پشتیوانی بۆ كاری ئهنجومهنهكه و دابینكردنی ههموو شتێك دهربڕی كه واقیعی ئابووری كهركوك باشتر بكات.
