كامالا هاریس به فه‌رمى بووه كاندیدى دیموكراته‌كان بۆ پۆستى سه‌رۆكى ئه‌مریكا
کامالا هاریس، كاندیدى دیموكراته‌كان بۆ پۆستى سه‌رۆكى ئه‌مریكا | فۆتۆ: ABC
SNN
کامالا هاریس، جێگری سەرۆکی ئەمریکا بە فەرمی بووە كاندیدى پارتی دیموکرات بۆ هەڵبژاردنی سەرۆکایەتیی ئەمریکا كه بڕیاره له 5ی تشرینی دووەمی ئەمساڵ به‌ڕێوه‌بچێت.
پاش ئه‌وه‌ى پرۆسه‌ى ده‌نگدان بۆ دیاریكردنى پۆستى كاندیدى دیموكراته‌كان له‌نێو ئه‌و حزبه ماوه‌ى پێنج رۆژى خایاند، سه‌رئه‌نجام ئه‌مڕۆ سێشه‌ممه 6ى ئاب، كامالا هاریس، جێگرى سه‌رۆكى ئه‌مریكا به فه‌رمى وه‌ك كاندیدى حزبه‌كه‌ى ناسێنرا بۆ وه‌رگرتنى پۆستى سه‌رۆكایه‌تى ئه‌مریكا.
پارتى دیموكراته‌كان ئاشكرایانكردووه، ” 99٪ كۆكبوون له‌سه‌ر ئه‌وه‌ى كه هاریس كاندید بكه‌ن”. ئه‌مه به زانینى ئه‌و راستیه‌ى كه پێویسته ئه‌نجامى ده‌نگدانه‌كه له 19ى ئه‌م مانگه له كۆنگره‌ى نیشتمانى دیموكراته‌كاندا كه بڕیاره له شیكاگۆ به‌ڕێوه‌بچێت په‌سه‌ند بكرێت.
به كاندید كردنى هاریس بووه یه‌كه‌مین ژنى كۆچبه‌رى ره‌شپێست كه له مێژووى ئه‌مریكادا توانیبێتى بگاته ئه‌و قۆناغه سیاسیه.
هاریس كه ئێستا جێگرى سه‌رۆكى ئه‌مریكایه پێشتر ئاماژه‌ى به‌وه‌كردبوو كه له‌و به‌رنامه‌یه لانادات كه سه‌رۆكى ئێستاى ئه‌مریكا كارى له‌سه‌رده‌كات
