هێڵى ئاسمانى ئهمریكا سهرجهم گهشتهكانى تاوهكو 2025 بۆ ئیسرائیل راگرت
فڕۆكهیهكى هێڵى ئاسمانى ئهمریكا | فۆتۆ: kayak
SNN
هێڵى ئاسمانى (American Airlines) سهرجهم گهشتهكانى بۆ ئیسرائیل تاوهكو مانگى نیسانى ساڵى 2025 راگرت.
ئهمڕۆ یهكشهممه 18ى ئاب، میدیاى فهرمى ئیسرائیل (KAN ) بڵاویانكردهوه، “هێڵى ئاسمانى ئهمریكا سهرجهم گهشتهكانى هاتن و چوونى له ئهمریكاوه بۆ ئیسرائیل و بهپێچهوانهوه تاوهكو مانگى ئایارى 2025 ههڵوهشاندوونهتهوه”، ههرچهنده تاوهكو ئێستا كۆمپانیاكه ئامادهنهبووه به فهرمى ههواڵهكه رهتبكاتهوه یاخود پشتڕاستى بكاتهوه.
ههڵوهشاندنهوهى گهشتهكانى هێڵى ئاسمانى ئهمریكا بۆ ئیسرائیل لهدواى ئاڵۆزیهكانى ئهم دواییه دێت بههۆى كوشتنى ئیسماعیل ههنیه، سهرۆكى مهكتهبى سیاسى بزووتنهوهى حهماس له ئێران له بهروارى 31ى تهمموز.
هاوكات ههر ئهمڕۆ میدیاى ئهو وڵاته بڵاویكردهوه، “هێڵى ئاسمانیهكه ههڵپهساردنى گهشتهكانى بۆ فڕۆكهخانهى بێن گۆریۆن له تهلهئهبیب درێژكردووهتهوه”.
بهپێى ئامارهكانى تهندروستى غهززه، له سهرەتاى هێرشهكانى سهر غهززه له 7ى تشرینى یهكهمى 2023 تاوهكو ئێستا 40 ههزار و 100 هاووڵاتى غهززه كوژراون، 92 ههزار و 600 هاووڵاتى تر بریندار بوون.
