سعودیە: هێرشکردنە سەر ئێران ئیدانە دەکەین

SNN-
بەرەبەیانی ئەمڕۆ شەممە، 26ـی ئۆکتۆبەری 2024، شانشینی سعودیە، سەرکۆنەی بۆمبارانکردنی شوێنە سەربازییەکانی ئێرانی کرد و هۆشداریی لەفراوانبوونی ململانێکان دا

وەزارەتی دەرەوەی سعوودیە لە راگەیەندراوێکدا داوا لە هەموو لایەنەکان دەکات ئەوپەڕی هێمنی و ئارامیی ناوچەکە بپارێزن، هۆشداریش دەدات لە دەرئەنجامی بەردەوامی ململانێ سەربازییەکان لە ناوچەکەدا.

دەشڵێت:”داوا لە کۆمەڵگەی نێودەوڵەتی و لایەنە کاریگەر و چالاکەکان دەکەین ڕۆڵ و بەرپرسیارێتی خۆیان لە ئەستۆ بگرن بەرەو کەمکردنەوەی فراوانبوون و کۆتاییهێنان بە ململانێکان لە ناوچەکەدا.”

بەیانی ئەمڕۆ شەممە ئیسرائیل هێرشی کردە سەر ئێران  و سوپای ئیسرائیلیش دەڵێت: بە وردی هێرشمان کردە سەر ژمارەیەک ئامانج لە ناوچە جیاجیاکانی ئێران.