سکاڵای یاسایی لە سەر تەیف سامی تۆمار دەکرێت
تەیف سامی، وەزیری دارایی عێراق | فۆتۆ: Iraq Gov
SNN
بە تۆمەتی پێشێلکردنی دەستوور، پەرلەمانتارێک سکاڵای یاسایی لەسەر تەیف سامی وەزیری دارایی عێراق تۆمار دەکات.
بە تۆمەتی پێشێلکردنی ماددەی 14ی دەستوور، کە باس لە بەدیهێنانی یەکسانی و راگرتنی هاوسەنگی لە نێوان هەموو هاووڵاتیان دەکات، حەیدەر متێری ئەندامی پەرلەمانی عێراق سکاڵای یاسایی لەسەر تەیف سامی تۆمار کرد.
بە وتەی ئەو پەرلەمانتارە وەزیری دارایی ڕەزامەندی داوە لەسەر گواستنەوەی 365 فەرمانبەری VIP، لە وەزارەت و دامەزراوە جیاوازەكانەوە بۆ ئەنجومەنی نوێنەران، لەكاتێكدا مامەڵەی گواستنەوەی هەزاران فەرمانبەری دیكەی پەكخستووە.
ئەمەش لە کاتێکدایە لە سەرەتای ئەمساڵدا وەزارەتی دارایی عێراق بڕیاری راگرتنی گواستنەوەی خزمەتی فەرمانبەرانی لە نێوان وەزارەت و ئەو لایەنانەی سەر بە وەزارەتەکان نین راگرت.
