وەزارەتی نەوت: ڕێککەوتنێکی سێقۆڵی بۆ دەستپێکردنەوەی هەناردەی نەوت لە ڕێگەی جەیهانەوە واژۆ دەکرێت

وەزارەتی نەوتی عێراق رایگەیاند، کە ڕێککەوتنێکی سێقۆڵی بۆ ماوەی ساڵێک بە مەبەستی دەستپێکردنەوەی هەناردەی نەوت لە ڕێگەی جەیهانەوە بە توانای 750 هەزار بەرمیل لە رۆژێکدا واژۆ دەکەن.

وەزارەتی نەوتی عێراق وردەکاری و ئامانجەکانی سەردانی فەرمی شاندە حکومییەکەی بۆ تورکیا ئاشکرا کرد و ڕایگەیاند کە ڕێککەوتنێکی نوێ بۆ ماوەی یەک ساڵ واژۆ دەکرێت وەک قۆناغێکی پێشوەختە بەرەو ڕێککەوتنێکی ستراتیژیی گشتگیر.

لایەنەکانی ڕێککەوتنە سێقۆڵەکە

لەلایەن عێراقەوە کۆمپانیای بە بازاڕکردنی نەوتی عێراق (سۆمۆ)، کۆمپانیای نەوتی باکور هەروەها لایەنی تورکیش کۆمپانیای بۆتاش (کۆمپانیای فەرمی گواستنەوەی سووتەمەنی و بۆرییەکانی تورکیا)

هەناردەی نەوت

دیاریکردنی توانای هەناردەکردن بە 750 هەزار بەرمیل لە ڕۆژێکدا، کە گەیشتن بەم ئامانجە پەیوەستە بە دۆخی ئەمنی، دەستپێکردنەوەی بەرهەمهێنانی کۆمپانیا بیانییەکان لە هەرێمی کوردستان، و گواستنەوەی نەوتی خاو لە ناوچەکانی باشوورەوە بۆ باکوور.

ئەم ڕێککەوتنە کاتییە هەنگاوێکە بۆ گەیشتن بە ڕێککەوتنێکی هەمیشەیی و فراوانتر کە سەرجەم کەرتی انرژی لەخۆ بگرێت، هەروەها بەرزکردنەوەی توانای هەناردەکردن بۆ زیاتر لە ملیۆنێک بەرمیل لە ڕۆژێکدا دوای تەواوبوونی هێڵی بۆریی ستراتیژی (بەسرە، کەرکوک، جەیهان)