عەلی زەیدی کۆتاییهاتنی فەرمیی ئەرکی هاوپەیمانیی نێودەوڵەتی دژی داعشی ڕاگەیاند

SNN-

عەلی زەیدی، سەرۆکوەزیران و فەرماندەی گشتیی هێزە چەکدارەکانی عێراق، لە ئاهەنگی فەرمیی “ڕۆژی سەروەری” کە ئەمڕۆ چوارشەممە 30/9/2026 لە بەغدادی پایتەخت بەڕێوەچوو، کۆتاییهاتنی فەرمیی ئەرکی سەربازیی هاوپەیمانیی نێودەوڵەتی بۆ شەڕ دژی پاشماوەکانی تیرۆریستانی داعشی لە عێراق ڕاگەیاند و جەخت لەسەر گواستنەوەی قۆناغی ئەمنی بۆ سەردەمی سەروەریی تەواو کراەوە.

تۆمارکردنی مێژوویەکی پڕ لە قوربانیدان و هۆشیاریی نیشتمانی

لە وتارەکەیدا، فەرماندەی گشتیی هێزە چەکدارەکان ئاماژەی بەوە دا کە ڕاگەیاندنی کۆتاییهاتنی ئەرکی هاوپەیمانیی نێودەوڵەتی، نیشانەی سەرکەوتنی هاوبەشی نێوان هێزەکان و گەلی عێراقە بەسەر یەکێک لە تاریکترین پەڕەکانی توندوتیژی و دڕندەییدا لە مێژوودا. ڕایگەیاند: ئەمڕۆ عێراق دروێنەی قوربانییە گەورەکان و هەوڵە قارەمانییەکانی چەندین ساڵە دەکات، تاوەکو ئامێر و هێزە ئەمنییەکانمان بە هەموو پێکهاتەکانیانەوە توانیان کۆنتڕۆڵی تەواوی دەسەڵاتی مەیدانی و ئەمنی لە سەرجەم پارێزگاکانی عێراقدا بگرنە دەست.

رۆڵی هۆشیاریی جەماوەری و وڵاتانی دۆست

زەیدی ئاماژەی بەوە کرد کە ئەم هەنگاوە بە واتای کۆتاییهاتنی جەنگی تیرۆر نییە، بەڵکو گواستنەوەیە بەرەو قۆناغێک کە هێزە عێراقییەکان بەرپرسیارێتیی تەواوەتیی ئاسایش و سەروەریی وڵات دەگرنە ئەستۆ.
سوپاسی وڵاتانی بەشداری هاوپەیمانییەکەی کرد و ڕایگەیاند کە هەماهەنگیی ئەمنیی داهاتوو لەسەر بنەمای تەکنەلۆژیا و هاوبەشیی هاوسەنگ بەردەوام دەبێت.

قۆناغی نوێی بەرپرسیارێتی و مەرجی یاسا

سەرۆکوەزیران جەختی لەوە کردەوە کە کۆتاییهاتنی ئەرکی هاوپەیمانیی نێودەوڵەتی بە مانای کۆتاییهاتنی شەڕی دژی تیرۆر نایەت، بەڵکو دەچێتە قۆناغێکی نوێوە کە تێیدا عێراق بەرپرسیارێتیی تەواو بۆ پاراستنی ئاسایش و سەقامگیری لە ئەستۆ دەگرێت، و لەمەودوا بەڕێوەبردنی ئەم دۆخە لە ڕێگەی هاوبەشیی ستراتیژی و بەکارهێنانی تەکنەلۆجیا و زانیاریی پێشکەوتوو لەگەڵ دۆستاندا بەردەوام دەبێت.

لە کۆتایی پەیامەکەیدا، فەرماندەی گشتیی هێزە چەکدارەکان پەیامێکی توندی ئاراستە کرد و ڕایگەیاند: هیچ چەکێک لە دەرەوەی چەتری یاسا و هیچ هێزێک لە دەرەوەی مؤسساتی دەوڵەتدا بوونی نابێت، بەپێی ئەوەی دەستوور و مەرجەعیەتی ڕەوا داوای دەکەن و گەلەکەمان دەیەوێت.