وەزارەتی کارەبا: لە سبەینێوە بۆ ماوەی مانگێک کارەبا کەمدەبێتەوە

SNN-

وەزارەتی کارەبای حکومەتی هەرێمی کوردستان دەڵێت: لە سبەینێوە بۆ ماوەی یەک مانگ کارەبای نیشتمانی کەمدەبێتەوە.

وەزارەتەکە لە راگەیەندراوێکدا هاوبەشانی كارەبا ئاگادار دەکاتەوە کە لە ماوەی مانگێكدا لە  سبەینێ هەینی  2-10-تاوەکو 2-11 واتا تاوەکو یەک مانگی دیکە كۆمپانیای دانا غاز دەست بە پرۆسەی چاكسازیی لە كێڵگەی كۆرمۆر دەکات، بەمەش چەند كاتژمێرێك ماوەكانی كارەبا كەم دەبێتەوە، بە درێژایی پرۆسەی چاكسازییەكەی داناغاز.

لە راگەیەندراوەکەدا هاتووە کە وەزارەتی كارەبا و وەزارەتی سامانە سروشتییەكان هەماهەنگ دەبن بۆ ئەوەی پرۆسەكە كەمترین كاریگەریی لەسەر كاتژمێرەكانی كارەبا هەبێت لەناو پرۆژەی ڕووناکی.

دەشڵێت: ساڵانە پرۆسەی چاكسازیكردن لە كێڵگەی كۆڕمۆر لەم مانگەدا ساز دەدرێت لەبەر ئەوەی پلەكانی گەرما دێتە خوارەوە بۆ و كەمترین كاریگەریی لەسەر كاتەكانی بوونی كارەبا دەبێت.