بریکاری وەزارەتی بازرگانی: دابەشکردنی بەشە خۆراک مانگانە نیە

SNN

سەروەر کەمال، بریکاری وەزارەتی بازرگانی و پیشەسازی هەرێمی کوردستان ڕایگەیاند، تا ئێستا حەوت بەشە خۆراک و حەوت بەشە ئارد دابەشکراوە و چاوەڕوان دەکرێت تا کۆتایی ئەمساڵ بەسەبەتەی مانگی رەمەزانەوە بگاتە هەشت بەشە خۆراک.

باسی لەوەشکرد، سەبەتەی خۆراک مانگانە نیە، بەڵکو وەک بەش دیاریکراوە و مەرج نییە هەموو مانگێک دابەش بکرێت، بەڵکو هەر ماوە ماوە بەپێی ئەو برەی کە لە عێراق دابەشدەکرێت لە هەرێمیش دابەشدەکرێت.

وتیشی: تا ئێستا چوار ملیۆن و 800 هەزار کەس پسووڵەی خۆراکی ئەلیکترۆنیان نوێ کردووەتەوە.