ترەمپ: من هەڵبژاردنەکەم بردەوە

SNN

دۆناڵد ترەمپ، ئەنجامی هەڵبژاردنەکەی ئەمریکا قبوڵناکات و لە تویتێکدا کە ئەمڕۆ بڵاویکردووەتەوە نوسیویەتی: “من هەڵبژاردنەکەم بردەوە”.

تۆپڕی کۆمەڵایەتی تویتەر لەژێر تویتەکەی ترەمپ بە رەنگی سوور لە تێبینییەکدا نوسیویەتی: “سەرچاوە فەرمییەکانی هەڵبژاردن ئەنجامی هەڵبژاردنەکە بە جۆرێکی دیکە دەخەنەڕوو”.

ئەمە بۆ چەندین جارە ترەمپ خۆی وەک کاندیدی سەرکەوتووی هەڵبژاردنەکەی ئەمریکا ناودەبات، ئەگەرچی ئەنجامە فەرمییەکانی هەڵبژاردنەکە دەریانخستووە جۆو بایدن دەنگی زۆرینەی بەدەستهێناوە بە کۆکردنەوەی 290 دەنگ، لەکاتێکدا 270 دەنگ پێویستە بۆ سەرکەوتن لە هەڵبژاردنەکەدا.

ترەمپ لە ئێستادا رێکاری یاسایی گرتووەتەبەر و سوورە لەسەر ئەوەی، لە چەند ویلایەتێک ساختەکاری ئەنجامدراوە، تیمی جۆو بایدنیش وتوویانە، ئەگەر ترەمپ دەستاودەستکردنی دەسەڵات دوابخات ئەوا لە رێگای یاساوە رووبەڕووی دەبنەوە.