ئەوروپا لە بەردەم شەپۆلی سێیەمی کۆرۆنادایە

SNN

دەیڤد نابارۆ، بەرپرسی دۆسییەی کۆرۆنا لە رێکخراوی تەندروستی جیهانی رایگەیاند: پێشبینی دەکەن سەرەتای ساڵی ئایندە شەپۆلی سێیەمی کۆرۆنا رو لە وڵاتانی ئەوروپا بکات.

راشیگەیاند: ئەگەر یەکێتی ئەوروپا شکستبهێنێت لەوەی کە پێویستە بۆ رووبەڕووبوونەوەی ئەو پەتایە بکرێت، ئەوا شەپۆلی سێیەم کوشندە دەبێت، سەرەڕای هەواڵی خۆش لەبارەی ڤاکسینی کۆرۆنا.

ئاماژەی بەوەش کرد، بەشێک لە وڵاتانی ئەوروپا شکستیانهێناوە لەوەی جێبەجێکردنی ئەوەی پێویست بوە بکرێت بۆ رووبەڕووبوونەوەی کۆرۆنا.

رەخنەی ئەوەشی گرت، لەکاتی بڵاوبونەوەی شەپۆلی یەکەمی کۆرۆنا، وڵاتان نەیانتوانی ژێرخانی پێویستە بۆ رووبەڕووبوونەوەی بونیاتبنێن، ئەوەش کۆنترۆڵکردنی پەتاکەی قورسترکرد.