یۆنان خەرجییە سەربازییەکانی بۆ دووهێندە بەرزدەکاتەوە

SNN

حکومەتی یۆنان دوای دروستبونی گرژییەکان لەدەریای ناوەڕاست و بەئامانجی پاراستنی ئاسایشی وڵاتەکەی، بڕیاریداوە خەرجییە سەربازییەکان بەڕێژەی 57% و بۆ 5.5 مليار يۆرۆ بەرزبکاتەوە، لەچوارچێوەی زیادکردنی سیستەمی بەرگری وڵاتەکەی خواستی ئەوەی هەیە 18 فڕۆکەی “Dassault Rafale”ـی فڕەنسی و فڕۆکەی بێ فڕۆکەوان و هێلیکۆپتەری نوێ بكڕێت.

ماوەی چەندین ساڵە تورکیا، یۆنان و قوبرس لەبارەی گەڕان و خاوەنداریەتیکردنی وزە لەئاوەکانی دەریای ناوەڕاست ناکۆکن، حکومەتی تورکیا ماوەی زیاتر لە شەش مانگە پرۆسەی گەڕان بەدوای نەوت و غازی لەو ناوچەیەدا دەستپێکردوە، بەوهۆیەش یەکێتی ئەوروپا بڕیاریداوە سزا بەسەر ئەنقەرەدا بسەپێنێت.