بەهۆی دابینکردنی سوتەمەنییەوە گرفتی کارەبا لە سەرجەم پارێزگاکانی عێراق چارەسەر دەبێت

SNN

ئەمڕۆ دووشەممە، وەزارەتی نەوتی عێراق رایگەیاند: سووتەمەنی پێویسیتیان بۆ وێستگەكانی كارەبان دابینكردووە، لە داهاتوویەكی نزیكدا، كێشەی كەمی كارەبا لە سەرجەم پارێزگاكانی عێراق، چارەسەر دەكرێت.

حامید یونس بریكاری وەزارەتی نەوتی عێراق لە چاوپێکەوتنێکی تەلەفیزیۆنیدا رایگەیاند: وەزارتەكەی لە پەیوەندی بەردەوامدایە لەگەڵ وەزارەتی كارەبا، بەمەبەستی چارەسەركردنی كێشەی وزە، بۆئەو مەبەستەش سووتەمەنی پێویست بۆ وێستگەكانی كارەبا، دابینكراوە.

بریكاری وەزارەتی نەوتی عێراق، ئاماژەی بەوەشکرد: بەمەبەستی جێبەجێكردنی داواكارییەكانی وەزارەتی كارەبا لیژنەیەكی هاوبەش پێكهێنراوە، بەتایبەت ناردنی سووتەمەنی بۆ وێستگەكانی كارەبا، بۆئەوەی لە داهاتوویەكی نزیكدا، كێشەی كەمی كارەبا لە سەرجەم پارێزگاكانی عێراق، چارەسەر بكرێت.