ئەمریکا هاوکاری دارایی پێشکەشی عێراق دەکات

SNN

باڵیۆزخانەی ئەمریكا لە بەغدا بڵاویكردەوە نزیکەی 10 ملیۆن دۆلار بە عێراق دەبەخشێت وەك هاوكاری و پشتیوانییەك بۆ پرۆسەی هەڵبژاردنی پێشوەختەی پەرلەمان.

ئەمڕۆ پێنجشەممە باڵیۆزخانەی ئەمریكا لە راگەیەندراوێکدا بڵاویكردووەتەوە: بڕی 9.7 ملیۆن دۆلارەكە بە ڕێكخراوی یۆنامی دەبەخشن كە بڕیارە سەرپەرشتی هەڵبژاردنی پێشوەختەی پەرلەمانی عێراق بكات لە مانگی تشرینی یەکەمی داهاتوودا.

راشیگەیاندووە: “بۆ دووپاتكردنەوەی پشتیوانی لە پرۆسەی دیموكراسی لە عێراق، ئەمریكا ئەو هاوکارییە دەبەخشێت، تا چالاكییەكانی خۆیان لە سەرپەرشتیكردنی هەڵبژاردنی پێشوەختەی پەرلەمانی عێراق پێئەنجام بدەن.

لە ماوەی رابردوودا حکومەتی عێراق داوای لە بەشێکی زۆر لە باڵیۆزخانەی وڵاتان کرد کە لە چاودێریکردنی پرۆسەی هەڵبژاردنی پێشوەختەی پەرلەمانی عێراق هاوکاری وڵاتەکە بکەن.