کچە نمایشکارێک داوا لە بایدن دەکات ئەوەندە چاودێری نەکات

SNN

کریستی تیگن کە کچە نمایشکارێکی ئەمریکییە، داوا لە جۆو بایدن سەرۆکی ئەمریکا دەکات فۆڵۆو کردنی لە تویتەر رەتبکاتەوە، هۆکارەکەشی بۆ ئەوە گەڕاندووەتەوە بۆ ئەوەی دەیەوێت (ئازادانە تویتی خۆی بکات).

تیگن لە تویتەری خۆی پۆستێکی کردووە و نووسیوێتی “چەندجارێک تویتم کردووە لە هەژمارەکەی خۆم، لەو کاتەوە کە جەنابتان فۆڵۆوتان کردووم، بۆیە داوا دەکەم لە بەڕێزتان چیتر چاودێریم مەکەن و فۆڵۆوەکەتان رەتبکەوەنەوە، خۆشمدەوێیت”.

سایتی ئینسایدەر دەڵێت “ئەم کچە نمایشکارە 36 ساڵە، لەگەڵ 13 کەسی دیکە لەلایەن ئەژماری بایدنەوە فۆڵۆو کراوە و تاکە کەسی نا سیاسییە کە لە دوای مانگی یەکی ئەمساڵەوە لەلایەن سەرۆکی ئەمریکاوە فۆڵۆو کراوە”.

دوای ئەو تویتەی تیگن، راستەوخۆ لەلایەن تیمی سەرۆکی ئەمریکاوە ئەژمارەکەی (ئەن فۆڵۆو) کرا، دوای ئەوەش یەکسەر کچە نمایشکارەکە نووسیوێتی “من لە ئێستاوە ئازادم”.