کازمی سەردانی پاکستان دەکات

SNN

سەرۆکوەزیرانی عێراق سەردانی پاکستان دەکات و باڵوێزی ئەو وڵاتەش رايگەياند: “هۆکاری سەردانەکە واژۆکردنی رێککەوتنی لێکتیگەيشتن و هاوکاری نێوان ئەو دوو وڵاتەيە”.

ئەحمەد ئەمجەد، باڵوێزی پاکستان لە بەغدا بە میدیای فەرمیی عێراقی راگەیاندووە: “مستەفا کازمی، سەرۆک وەزیرانی عێراق بەم نزیکانە سەردانی ئیسلام ئابادی پایتەختی پاکستان دەکات.

ئاشکراشیکردووە: “لە سەردانەکەیدا بۆ ئیسلام ئاباد، مستەفا کازمی لەگەڵ بەرپرسانی باڵای پاکستان کۆ دەبێتەوە و رێککەوتنی لێکتێگەیشتن و هاوکاری لە نێوان عێراق و پاکستان واژۆ دەکەن.

ئەحمەد ئەمجەد دەشڵێت “عێراق و پاکستان پەیوەندییەکی پتەوی، سەربازی ئایینی و رۆشنبیرییان هەیە، ساڵانە 300 هەزار زیارەتکاری شیعەی پاکستانی سەردانی مەزارە پیرۆزەکانی شیعە لە عێراق دەکەن”.