نوێترين پێشهاتی شەڕی ئۆکرانيا و رووسيا

SNN

سه‌رۆكایه‌تی ئه‌ركانی سوپای ئۆكراینا له‌ راگه‌یه‌ندراوێكدا، زیانه‌كانی سوپای رووسیای له‌ 24ی شوبات تا 29ی ئازار بڵاوكردووه‌ته‌وه‌، سەرۆکی ئۆکرانياش دەڵێت “پێويستە سزاکانی سەر رووسيا توندتر بکرێتەوە”.

سه‌رۆكایه‌تی ئه‌ركانی سوپای ئۆكراینا رایگه‌یاند: له‌ 24ی شوبات تا 29ی ئازار  17هه‌زار و  200سه‌ربازی سوپای رووسیا کوژراون، هەروەها  127فڕۆكه‌،  129هه‌لیكۆپته‌ر و  597تانك تێکشکێنراوە.

هەر له‌ راگه‌یه‌ندراوه‌كه‌دا تیشك خراوەتە سه‌ر ئه‌وه‌ی كه‌ هه‌زار و  710زرێپۆش،  303تۆپ،  96سیسته‌می مووشه‌كهاوێژ و  54 سیسته‌می به‌رگریی ئاسمانیی رووسیا تێكشكێندراون.

ئەوەشی خستووەتە روو:  کە هێزه‌كانی رووسیا، هه‌روه‌ها هه‌زار و  178ئۆتۆمبێل، حه‌وت كه‌شتی و به‌له‌م،  73ئۆتۆمبێلی گواستنه‌وه‌ی سووته‌مه‌نی و  71فڕۆكه‌ی بێفڕۆكه‌وانیان له‌ده‌ستداوه‌.

لە لايەکی ديکەوە، ڤۆلۆدیمیر زێلێنسکی سەرۆکی ئۆکراینا ئاشکرای کرد: پێویستە سزاکانی سەر رووسیا توندتر بکرێت و وتی: “ئەگەر بێت و سزاکان بەشێوەیەکی توند جێبەجێ نەکرێت و بەپێی پێویست نەبێت، رەنگە حکومەتی رووسیا تاوانی زۆر لەوە گەورەتر لەوەی ئێستا دژبە ئۆکراینا ئەنجام بدات و ئۆکرایناییەکان باجی ئەمە بدەن”.