هادى عامرى: واز له پێكهێنانى كوتلهى گهوره ناهێنین
نورى مالیكى، هادى عامرى و قهیس خهز عهلى، سهركردهكانى چوارچێوهى ههماههنگى | فۆتۆ: Shafaqnews
SNN
سهرۆكى هاوپهیمانى فهتح رایدهگهیهنێت، دروستكردنى گهورهترین كوتلهى شیعى مافى شیعهیه و واز لهو مافه ناهێنین، دهشڵێت: “ئێمه دهمانهوێت لێكتێگهیشتنى شیعى- شیعى بهێنینه ئاراوه بۆ ئهوهى لێكتێگهیشتن له ماڵى كوردیشدا دروستببێت”.
ئێوارهى دوێنێ هادى عامرى، سهرۆكى هاوپهیمانى فهتح بانگهێشتى مارك ریچاردسن، باڵیۆزى بهریتانیاى له عێراق كرد به مهبهستى لێپێچینهوه لێى، چونكه به وتهى عامرى، “بهریتانیا دهستتێوهردان دهكات له كاروبارى ناوخۆى عێراق”.
لهدواى كۆبوونهوهى عامرى و ریچاردسن، نووسینگهى رۆژنامهوانى هادى عامرى رایگهیاند، “دروستكردنى كوتلهى گهورهى شیعه مافى سهرهكى ئێمهیه و دهبێت ئهم كاره لهنێو ماڵى شیعه بكرێت، ههرگیز دهستبهردارى ئهم مافه نابێت، گفتوگۆكانیشمان بهردهوام دهبن تاوهكو ئهوكاتهى كه دهگهینه كاندیدێك بۆ سهرۆكوهزیرانى عێراق و حكومهت پێكدههێنین”.
له بهیاننامهكهدا كه لهسهر زارى هادى عامرى نووسراوهتهوه ئهوهش خراوهتهڕوو، “لهدواى ساڵى 2003هوه حكومهتى عێراق لهسهر بنهماى رێككهوتن، هاوبهشى و هاوسهنگى بونیادنراوه، لهبهر ئهوه خواستى ئێمه ئهوهیه كه لێكتێگهیشتنێكى شیعى- شیعى بهێنینه ئاراوه، چونكه ئهمه دهبێته هۆكارى دروستكردنى لێكتێگهیشتنى كورد – كورد و ماڵى كورد رێكدهخاتهوه.
