سەرۆکی يەکێتی لەگەڵ ئەمینداری گشتیی بزووتنەوەی بابلیون کۆبووەوە
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە رەییان کلدانی، ئەمینداری گشتیی بزووتنەوەی بابلیون.
لە دیدارێكدا دوایین گۆڕانكارییە سیاسییەكان و هەنگاوەكانی پێكهێنانی حكومەتی نوێی عیراق تاوتوێكران و جەخت لە بەردەوامی گفتوگۆكان كرایەوە لەپێناو گەیشتن بە چارەسەرێكی گونجاو و دەربازكردنی عێراق لەو دۆخە سیاسییە نەخوازراوەی تێیكەوتووە.
سەرۆك بافڵ ئاماژەی بە هەوڵەكانی یەكێتیی نیشتمانیی كوردستان كرد بۆ تێپەڕاندنی ئاستەنگییەكان و وتی، هاوڵاتییان شایستەی ژیانێكی ئارام و سەقامگیرن. ئامانجی ئێمەش دروستكردنی حكومەتێكی نیشتمانیی بەهێز و خزمەتگوزارە لەگەڵ هێز و لایەنە سیاسییەكان تاوەكو پێكەوە داهاتوویەكی سەقامگیر بۆ هاون دەستەبەر بكەین.
