وتەبێژی فراكسیۆنی یەكێتی: سەردانی سەرۆك بافڵ بۆ بەغدا ئاماژەیەكە بۆ كۆتایی هاتنی دۆخی چەقبەستووی عێراق

SNN-عەلی حەمەسەعید

وتەبێژی فراكسیۆنی یەكێتی لە ئەنجومەنی نوێنەرانی عێراق ئاماژە بەوەدەكات سەردانی سەرۆك بافڵ بۆ بەغدا ئاماژەیە بۆ لێكتێگەیشتنی لایەنە سیاسییكان و كۆتایی هێنان بە دۆخی چەقبەستووی سیاسی لە عێراق و یەكلاكدنەوەی پۆستی سەرۆكوەزیران و سەرۆككۆمار، هاوكات بانگهێشتی سەرۆكی پەرلەمانی عێراق بۆ لایەنە سیاسییەكان دەرخەری ئەوەیە كە لە چەند ڕۆژی داهاتوودا كۆتایی بە دۆخی چەقبەستووی سیاسی دێت لە عێراق.

سۆزان مەنسور، وتەبێژی فراكسیۆنی یەكێتی نیشتمانی لە ئەنجومەنی نوێنەرانی عیراق، بەSNNی ڕاگەیاند: سەردانی سەرۆك بافڵ بۆ بەغدا و كۆبوونەوەی لەگەڵ سەركردەی هێزو لایەنە سیاسییەكانی عێراق ئاماژەیەكی ڕوونە كە لە داهاتوویەكی نزیكدا گۆڕانكاری لە پرۆسەی سیاسی عێراق ڕوودەدات و كۆتایی بە دۆخی چەقبەستووی سیاسی لەعێراق دێت، هەروەه هاتنی سەرۆك بافل ئاماژەیەكیشە بۆ لێكنزیکبوونەوەی لایەنە سیاسیەكان لەسەر كاندیدی سەرۆكوەزیران.

ئاماژەی بەوەشكرد، شەوی رابردووش( محەمەد حەلبوسی) سەرۆكی ئەنجومەنی نوێنەرانی عێراق ئەوەی ڕاگەیاند كە ماوەی پشووی ئەنجومەنی نوێنەران كۆتایی هاتووە و بانگیهَشتی لایەنە سیاسییەكانی بۆ ئەنجومەنی نوێنەران كرد، بەمەبەستی گفتوگۆكردن لەبارەی  هەڵبژاردنی سەرۆككۆماری عیراق، ئەوەش ئاماژەیەكی دیكەی گۆڕانكارییە لە پرۆسەی سیاسی لە عێراق لەدوای ئەنجامدانی هەڵبژاردنەكانی 10/10/2021

وتەبێژی فراكسیۆنی یەكێتی لە ئەنجومەنی نوێنەرانی عێراق ئەوەشی خستەڕوو، تا ئێستا هیچ ڕێككەوتنێك لەنێوان پارتی و یەكێتی لە ئارادا نییە لە بارەی هەڵبژاردنی سەرۆككۆماری عیراق، بەڵام هاتنی سەرۆك بافڵ بۆ بەغدا بۆ دەرخەری ئەوەیە كە هەڵبژاردنی سەرۆككۆمار نزیكبوەتەوە، پاشانیش سەرۆككۆماری عیراق كاندیدی رێككەوتن لەسەركراو بۆ پۆستی سەرۆكوەزیران بۆ پێكهێنانی حكومەت رادەسپێرێت بۆ پێكهێنانی كابینەی نوێی حكومەتی عێراقی.