عێراق: باندێكى بازرگانیكردن به گون دهستگیركران
نهخۆشێك لهكاتى پشكنیندا | فۆتۆ: Kunsulto
SNN
بهڕێوهبهرى لێكۆڵینهوهكانى پۆلیسى نههێشتنى بازرگانیكردن به ئهندامهكانى جهستهى مرۆڤ له ناوچهى كهرخى بهغدا رایدهگهیهنێت، باندێكى بازرگانیكردن به جهستهى مرۆڤ دهستگیر كراوه كه لهنێوان عێراق و ئۆكرانیا بازرگانیان به گون و گورچیلهوه كردووه.
عهمید ویسام نهزیف زوبهیدى، بهڕێوهبهرى لێكۆڵینهوهكانى نههێشتنى بازرگانیكردن به ئهندامهكانى جهستهى مرۆڤ له ناوچهى كهرخى بهغدا لهمیانى بهشداریكردنى له بهرنامهى (واجب الصراحة) رایگهیاند، “نرخى گون له دهرهوهى عێراق گهیشتووهته سهر و 80 ههزار دۆلار و نرخى گورچیلهش گهیشتووهته 33 ههزار دۆلار”.
لهبارهى ئهو باندانهى كه بازرگانى به مرۆڤ دهكهن عهمید ویسام زوبهیدى ئاماژهى بهوهشكرد، “باندهكانى بازرگانى به جهستهى مرۆڤ له عێراق له زیادبووندا و له ماوهى رابردوودا باندێكمان دهستگیر كردووه كه بازرگانیان كردووه به گون و گورچیلهوه لهنێوان عێراق و ئۆكرانیا”.
به وتهى عهمید ویسام زوبهیدى، “چهندین باندى بازرگانیكردن به ئهندامهكانى جهستهى مرۆڤ لهنێو ئهو نهخۆشخانانهدا بڵاوبوونهتهوه كه كارى چاندنى ئهندامهكانى جهستهى مرۆڤ دهكهن”.
ئهو بهرپرسهى بهغدا جهخت لهسهر ئهوهشدهكاتهوه، “له ئێستادا كاردهكهن بۆ دهستگیركردنى ئهو باندانهى كه لهدهرهوهى سنوورهكان كارى بازرگانی بهجهستهى مرۆڤ دهكهن، چونكه مهترسییهكى گهورهیان دروستكردووه”.
