ئەمریکا: بەکارهێنانی چەکی ئەتۆمی لەلایەن رووسیاوە باجی قورسی دەبێت
SNN
جەیک سۆلیڤان راوێژکاری ئاسایسی نیشتمانی ئەمریکا هۆشداری دەداتە رووسیا لە بارەی ئەگەری بەکارهێنانی چەکی ئەتۆمی لە دژی ئوکرانیا.
لەلێدوانێکدا بۆ ئێن بی سی سۆلیڤان رایگەیاند: گەر رووسیا چەکی ئەتۆمی بەکاربهێنێت، ئەمریکا وەڵامی دەداتەوە و ئەمەش لێکەوتەی کارەساتباری بۆ مۆسکۆ دەبێت.
جەختیشی کردەوە، بەکارهێنانی چەکی ئەتۆمی هێڵی سوورە و بەزاندنی ئەو هێڵە سورە باجی قورسی دەبێت.
لە رۆژانی رابردوودا ڤلادیمیر پوتین سەرۆکی رووسیا رایگەیاندبوو، ئەگەر یەکپارچەیی و سەروەری خاکی وڵاتەکەی بکەوێتە بەر مەترسی، چەکی ئەتۆمی بەکاردەهێنن.
